මෙම භෝජන සංග්රහයට ඉන්දීය අගමැති නරේන්ද්ර මෝදි, විපක්ෂයේ සිටින ඉන්දීය ජාතික කොංග්රසයේ නායිකා සෝනියා ගාන්ධි, හිටපු අගමැති මන් මෝහන් සිං ඇතුළු පිරිසක්ද එක්ව සිටියහ.
“අනගාරික ධර්මපාලතුමන්ගේ චින්තනය අපට ඉදිරියට ගෙනයන්න පුළුවන්. ඉන්දියාවත් ලංකාවත් ක්රිකට්වලට ආදරෙයි. සනත් ජයසූරියලා, මුත්තයියා මුරලිදරන් වගේ ක්රීඩකයන් බිහිකරපු ලංකාවේ ක්රිකට් කණ්ඩායමට ලෝක කුසලාන ක්රිකට් තරගාවලිය ජයගන්න පුළුවන් වෙන්න කියලා මම සුබපතනවා” ප්රනාබ් මුඛර්ජි පැවසුවේය.
ප්රජාතන්ත්රවාදී ක්රමවේදයක් තුළ රාජ්ය පාලකයෙකු පත්වීම පිළිබඳ කදිම ආදර්ශයක් මෛත්රීපාල සිරිසේන ලබාදුන් බවද ප්රනාබ් මුඛර්ජි කීවේ තමන්ගේ කතාවේදීය.
“ජනතාව මට රට භාරදුන්නේ අලුත් දේශපාලන ක්රමයක් බිහිකරන්න. මම ඒ වෙනුවෙන් කැපවෙනවා” මෛත්රී තමන්ගේ කතාවේදී කීවේය.
රාත්රී භෝජන සංග්රහය අතරවාරයේදී ජනප්රිය සිංහල ගීත කිහිපයක් වාදනය කළේය. එම ගීත වාදනය වනු ඇසුණු මෛත්රීගේ මුහුණේ සියුම් සිනාවක් ඇඳී ගියේය.
ඉන්දීය සංචාරය අතරවාරයේදී බුද්ධගයාවට ගිය මෛත්රීට වන්දනාවේ පැමිණි ලාංකික බැතිමතුන් පිරිසක් හමුවිය.
“අපි අදනේ ඔබතුමා ඇස් දෙකෙන් දැක්කේ. ඔබතුමා තරම් සරල කෙනෙක් අපි දැක්කේ නෑනේ”එක් අයෙක් කියන විට මෛත්රී සිනා සෙමින් ඔහුගේ පිටට තට්ටුවක් දැමුවේය.
No comments:
Post a Comment